既然忙完一個學期，就一於打 wargame 鬆一鬆。經過一番波折風浪後，是次 wargame 活動終於攪得成，一行十九人上麼星。
今日麼星幾多人吓，同場有班唔識死嘅潮童，唔戴 mask 打 power ，佢地玩個場又有鬼婆行山又唔停 game ， Plastic Army 唔想有人攪臭 wargame 個名，結果去咗教育一番；又有一個小學呀 sir 帶咗成三十個學生上黎打童裝力，有手拉又有 MP7 ，最趣怪係有佢有啲用紙皮箱自制啲防彈盾，我地不知幾想同佢地打番場 
但一想到我地啲槍與童裝力在火力上有一段距離，都係唔係噤好。
有攝影師帶咗個 model 姐姐上黎影相，結果找他幫手影大合照（又真係影得幾好 
再次鳴謝）
我和平時一樣，因為要做啲 admin 嘢同幫手影相，結果只係打咗兩場，同 M14 全日只得兩個 kill ，可能係太耐無打而枝術生梳了。又發現早日買落的 Eagle M14 匣袋和真品手套非常實用 
要幫 Paklun update 佢個頭像，影出來的效果超出我的想像，超有型呀！
隊友 Paklun 今日帶咗佢枝 SR-16 M5 途毒世人，此物有幾毒呢？七千蚊真 ACOG 真手鞦真 KAC M5 骨，奇毒無比 結果所有人排隊描路過攝影師個 model ，我又試試 BAC ，只可惜我自己枝 RCO 未到，又要找奥單幫手拆 M14 RAS 之後賣比人。
和德軍擲彈兵討論過香港玩 wargame 的問題，我非常同意他們對香港玩 wargame 的遠見，我以膠國國務卿的身份同意 Plastic Army 也樂意參興，但我要快啲 organize 番好 Plastic Army 的內政事務，起碼要有個似樣的 member list 同统一番啲內部組織。