因為發現影相都幾多吓，頭痛如何 backup 才是好，結果去咗黄金睇睇有乜 solution 好。有人 suggest 我用 CD-R 再加一個 portable harddisk 盒仔做 backup ，但依家啲 harddisk 品質真係唔係好得， CD-R 同 DVD-R 就更加唔洗講，兩者都係約兩年就收皮，做 backup 的話真都唔知 back 啲乜。老實講去到黄金見啲 CD-R 同 DVD-R 真係幾平，大量生產再加上無得賺好難有公司再繼績做 R&D ，Blue-Ray 把 DVD-R 推向末路，更加唔洗講 CD-R ，令品質一直下滑。
回想當年剛剛有 CD-R 的年代（約十年前）， Kodak 有一種純金（寫明用 24k 金制鑄做） CD-R 響 lab 試可以 keep 倒啲 data 一百年，純銀果隻都可以有五十年， Kodak 個 website 至今一直都有依個 product ，但對於一個買嘢無乜品味同對 product 一知半解的香港市場，一係買最平一係要名牌，令到無人入貨而以。其實 Kodak 依然有繼續改良純金 CD-R ，現在不再是 640Mb 而是 700Mb，lab 試的可用年期已不是以前的一百年而是三百年，雖然三百年只是一個數字遊戲，三百年後有無人用 CD-R 和 Kodak 是否依然存在是一個問題，但至少這個數字可以被理解作 life-time guarantee ，用來做 backup 起碼比其他唔敢寫 keep 倒幾耐的牌子安全。
結果我睇咗全個黄金有一間同時有賣 Kodak 隻純金 CD-R 同 DVD-R ，隻 DVD-R 可能技術未成熟，lab 試「只」可以 keep 倒啲 data 八十至一百年，結果買了兩隻 backup 啲超重要嘢。但唔知係唔係我買啲極冷門嘢，比錢時店員的目光有點怪，甚至唔知原來有呢樣嘢賣；又唔知係唔係近年金價貴，相比起現時幾毫一隻的 CD-R 和幾蚊一隻的 DVD-R ，純金 CD-R 賣二十二大元（十年前都只係賣十二蚊）一隻，純金 DVD-R 賣三十五大元一隻，又唔見有 Kodak website 果隻 25 片裝，值唔值真係見人見智。唔知你地有無 data 需要 keep 一百年呢？
參考連結：