本來一日之前我都仲為尋找一技 ACOG 而頭痛，事關 Trijicon 的瞄準鏡被列為戰略物品，要向美國國務院攞 export permit ，所以大部份的香港真鏡玩家，都會冒險，又或者揾人幫手冒險。可否擁有一枝 ACOG ，真係幾睇彩數。上次去永高見過 TA31RCO ，又一於上去問問，但又話唔知幾時有貨，又話無保養。之後又去 QRF 問問，佢話得，但要計我美金十二算，貴得不合理。
戰友阿 Kai 去年回到美國，於一次自行上麼星試槍時，因互相欣賞大家的裝備而認識。近日於 MSN 與阿 Kai 閒談期間，提起響香港好難找到一枝 ACOG ，又話出口難入口又難，但佢比我的第一個答覆是「是嗎？」原來上次佢番香港可時帶咗個 Aimpoint 上機，過晒美國同香港嘅海關，所以話幫我攞枝 ACOG 過黎無乜問題。
吓？不是嗎？真係噤易？前牌先有個人比人放蛇啦鬼咗，你真係噤勇？但經過幾日的一番問價之後，原來啊 Kai 走咗去國務院幫我攪合法出口，仲要幫我攞晒出口的 paper work 同香港海關嘅入口証。
嘩！原來真係噤易！依家攪到光明正大玩合法出入口，仲要有哂所有 document ，有乜事又可以合法將枝 ACOG 寄番 Trijicon claim 保養。回想之前四圍噤去問人，我做乜要比錢永高同 QRF 賺，又洗乜為某些人原來話放枝 RCO 比我但最後賣咗比第二個而發火 