今年又被邀請咗跟中學天文學會去 camp ，其實我已經離開咗中學多年，我自己都已經大學畢咗業，就連自己的徒弟 Eric 都已經入咗大學，依家就應該輪到佢繼續睇住天文學會嘅去向。話時話，睇住阿 Eric 大，從小學入中學做會長再上大學，成個過程幾得意。
鯉魚門度假村依個 camp 唔錯，但如果個房入面有電視同 Wireless Lan 上網的話，更好
又或者自己住咗宿舍太耐無去過 camp ，電視與 internet 已經是每晚開夜生活的一部份，一晚無電視無得上網，只有吹水同大啲，太健康，唔係好適應。但鯉魚門這個 camp 的伙食實在太差了，我第一次 BBQ 係唔夠嘢食嘅，通頂後早上只得一份三文治同午餐飯盒一個，相對地上年 Eric 個 camp 啲伙食比較好。
至於睇星方面，算把啦，老實講香港的天氣，海洋性氣候再加背向世界工廠，想睇星，難上加難。每年的天文 camp 大多都是晚上一個 lecture 後自由活動告終。但今次原來請咗彭生黎，我當年做 vice-chairman 都係佢黎個 joint school camp 講 talk ，但已和他失去聯絡多時，一方面係我已經無再響一般的天文活動露面，另一方面係一次電腦意外導至 ICQ 啲 contact 無哂（當年 ICQ 仲未有 online 嘅 contact list record ）。今次再見面，再加一班 St Joe 天支學會新血，一講天文嘢，就不知不覺去到四點。
同彭生交換番個 MSN （無耐 ICQ 已死）電話等等，下次有機會睇星的話一於跟住去，又不如入香港天文學會學吓嘢。這一晚，天文夢再次燃起。