之前講過，話期待 Tokyo Marui 今年靜岡 Hobby Show 的新槍公佈，不過公佈之後真係有點兒令人失望。
傘兵托 89 式 (Photo Courtesy of GA Graphics)
去年於同一個話動上 Marui 公佈推出日本自衛隊 89 式步槍，當時因為 89 式使用實托但不把電池位設計於托內，已經有人固計 Marui 會推出傘兵版，結果今年另一枝充滿軍國主義的作品登場。始終 Marui 是一家日本公司，而上一次日本自衛隊又向 Marui 買入一大批 89 式作訓練用，可能 Marui 想賺多一次錢，改咗個尾就出一枝傘兵版。但我始終覺得，這個 89 式槍系是國狗太過離普之下的產物，竟然國狗有乜抄乜，就不如出一枝充滿軍國味道的自衛隊槍，國狗抄來都無乜市場的一枝 89 式。不過老實講，從設計到結構上看 Marui 的 89 式是一枝好槍。其實 Marui 走高價全金屬路線不失為一件好，Marui 一向的高水準外穀及靚波箱，就算賣到和 VFC 與 G&G 同價的二千五到三千蚊一枝，都一樣有市場。
銀版 P226R (Photo Courtesy of GA Graphics)
可能係 KSC 一樣推出了 P226 的關係，今年 Marui 追加 P226R 银版打對台。老實講同枝 Desert Eagle 一樣，換一換層 coating 就係新 product ，自己又已經有一枝黑色 P226R ，如果真係想要銀版，點解唔直接換金屬 kit ？